مشاهدة النسخة كاملة : خاص الانتقاد.نت: حادث سير مروع في طرابلس ـ مصور
ali yehya
12-13-2008, 05:24 AM
خاص الانتقاد.نت: حادث سير مروع في طرابلس ـ مصور
http://www.alintiqad.com/uploaded/essaysimages/content/1208/tripoliaccedent08.jpg
سقط ثلاثة جرحى صباح يوم الجمعة في حادث سير مروع وقع في محلة أبي سمراء ساحة الضناوي بطرابلس بين سيارة من نوع رانج( نيسان) تقودها سهام المصري مديرة مدرسة النموذج الرسمية للبنات وشاحنة فولز لتوزيع الخبز يقودها معن المل وبجانبه محمد الشامي, أدى الى اصابة الثلاثة بجروح بالغة نقلوا على اثرها الى مستشفى النيني وهيكل بطرابلس.
www.alintiqad.com/essaydetails.php?eid=3489&cid=7 (http://www.alintiqad.com/essaydetails.php?eid=3489&cid=7)
فـاروق
12-13-2008, 11:07 AM
هذا شارع ضيق...يعني من الغريب ان يقود احدهم فيه بسرعة!!
نسال الله السلامة
fakher
12-13-2008, 11:17 AM
خبر مهم ....
من هناك
12-13-2008, 11:36 AM
شارع ضيق؟ يبدو انه واسع جداً ويبدو ان السيارة انخدشت
فـاروق
12-13-2008, 12:04 PM
الشارع ضيق معلمي...
ولو؟ ما عرفتو؟ حد رنوش ما غيرو... :)
شارع ضيق؟ يبدو انه واسع جداً ويبدو ان السيارة انخدشت
لأنك ترى الساحة والله اعلم لا الشارع..
فـاروق
12-13-2008, 12:18 PM
شبكم يا جماعة؟ :)
هيدا الشارع بعد الساحة....وهو ضيق :) ولكن الحادث وقع على المفارق... كما يبجو من الصورة
الصورة تحديدا هي امام رنوش وامام بنك لبنان والمهجر... وبعد 20 مترا تقريبا توجد مكتبة العلوم...
هلق بيزعل منكم رنوش... وينو شيركوه ؟:)
شيركوه
12-13-2008, 04:17 PM
شيركوه كان بتختو مريض وسخنان بعيد عنك
بس هادا شارع رنوش ايه ... وبصراحة منو هالشارع الواسع خاصة اذا في سيارات صافة بيصير ضيق ويا دوب تمرق فيه سيارة
السلام عليكم
فـاروق
12-13-2008, 08:35 PM
سلامتك معلمي
طهور ان شاء الله
شيركوه
12-13-2008, 09:37 PM
الله يرضى علاك يا حُب
ويسلموك عضمة عضمة
ط:
حبيب القلب والله مع انك كابتني ط: هههه
الله يجزيك الخير يا كبير يا فاروق روح الله يزوجك عن قريب لنرتاح من همك :)
moon3000
12-14-2008, 08:53 AM
حد رنوش
السلام عليكم ورحمة الله
وكل أضحى وأنتم بخير
أخواني ما الفرق بين رنوش & مرّوش
للعلم فقط مرّوش مطعم في شرق السعودية وبالتحديد في مدينة الأحساء ، يقال انه اسم مطعم شهير في لبنان .
وهل هذا صحيح ؟
شيركوه
12-14-2008, 08:59 AM
ما بعرف
بس بنصحك ما تجربو
جواد_الليل
12-14-2008, 09:40 AM
رنوش & مرّوش
رنــوش بتــاكل الشـاورمـا مع ( دبــّان ) او ( بــرغش ) << حسب الطلب :D
مـروش ما عنــدو هالمواصـفات للأســف :(
شيركوه
12-14-2008, 09:57 AM
رنــوش بتــاكل الشـاورمـا مع ( دبــّان ) او ( بــرغش ) << حسب الطلب :D
مـروش ما عنــدو هالمواصـفات للأســف :(
يلعن شيطانك
كنت بدي قولا ... :D
انا ورفيقي منصنف المطاعم بالصراصير ... يعني بعكس النجوم
مثلا شيخ فلافل منصنفو بعدد من الصراصير .. رنوش بعدد موازي تقريبا وهيك
في اماكن مصنفة بعدد من الصراصير نقصدها تقريبا كل تة اشهر لتجديد المناعة وربما لم اقصدها منذ فترة طويلة ... لذلك تضررت حينما اكلت من احد المحلات ... :D
moon3000
12-14-2008, 10:06 AM
بارك الله فيكما أخواي
جواد_الليل
12-15-2008, 04:45 AM
يلعن شيطانك
كنت بدي قولا ... :D
انا ورفيقي منصنف المطاعم بالصراصير ... يعني بعكس النجوم
مثلا شيخ فلافل منصنفو بعدد من الصراصير .. رنوش بعدد موازي تقريبا وهيك
في اماكن مصنفة بعدد من الصراصير نقصدها تقريبا كل تة اشهر لتجديد المناعة وربما لم اقصدها منذ فترة طويلة ... لذلك تضررت حينما اكلت من احد المحلات ... :D
على فكــرة بئــولو انو الدبـان صحـي اكتــر بسبب طيــرانـه و قلة تلــوث رئــتيـه بسبب الارتــفاعات التي يقصـدها دائـما .. كما ينطبق نفس الشي على البرغش :D
بس والله كلامي مش عن فـراغ لانو فعلا .. صـارت مــعي عند رنوش ..
شو رايكـ بـ فلافل السيد :D
من هناك
12-15-2008, 02:26 PM
اظن ان اتهام المطاعم الطرابلسية بهذا الأمر امر غير مقبول
فـاروق
12-15-2008, 03:30 PM
لماذا غير مقبول؟
من هناك
12-15-2008, 06:03 PM
لأن الوضع ليس بهذا السوء
شيركوه
12-16-2008, 06:05 AM
بل اسوأ ...
انا كنت عند رنوش ... وشاهدت الصرصار بعيني يتجول ولا احد "يمرحب" عليه حتى ...
فامسكت احدهم على جنب وقلت له يا اخي ما شفت الصرصور عم يكزدر ونصحته فهز بارسه واكمل طريقه!!!
وهذه الحالة تتكرر مع العديد من المحلات ستجد الصراصير تسرح وتمرح
منذ حوالي 3 اسابيع اشترى الشباب وجبات من عند ابو فلان ... طلع ضاببلنا مع الخبزات دبانة منظنظة ...:D
هادا غير الجرادين ... مرة كنا بمطعم بالمينا اسمو عروسة البحر او هيك شي ...
شفنا جردون عم يركض بالمطعك قلو رفيقي لك ليكو ليكو ... قلو شكلوة قلو جردون هلئد ما شفتو!!:eek:
قلو عادي!!! ما بيعمل شي!! :eek:
طلع صاحبهم وبيعرفوه يبدو ...
طبعا هذا لا ينطبق على كل مطاعم البلد ولا حتى كل المطاعم الشعبية ... ولكن صراحة هناك مطاعم لا تنتبه للنظافة
وهناك مطاعم لا تكرم الزبون وتعامله كانه يشحد منهم ولا يشتري!!!
وهناك مطاعم فيها جراسين ......... شي رفع مثل الشاطر حسن عندهم جرسون لا اعتقد اني رايت مثله سبحان الله!!! خلي ابو الجوج يحكيلكم لما فطرنا عندهم اخر يوم برمضان!! :D
شي بالمرة ... ونحنا ناوينلو على قتلة ... اذا الله قدر وشي مرة غلطنا واكلنا هونيك وعمل اي حركة بايخة متل عوايدو فنحنا عن جد ناوينلو على خبيط مرتب لانو ما بيفهم بس ناطرينو .. لانو طفح الكيل منو
:cool:و .........السلام عليكم
جواد_الليل
12-16-2008, 10:34 AM
لأن الوضع ليس بهذا السوء
أخــي بلال ..
أكلــت مـرة عند رنــوش واسال الله ان لا اضطر الى الاكل من عنده مرة اخرى ..
بالشـاورما انا وبنت خـالي ..
طلعلي ( برغشـة ) وطلعتـلا ( دبــّـانة ) ..
انا ما حكيـت على المطـاعم البـاقة فقط على رنــوش لانه بالفعـل مطـعم وسـخ جدا !!
بس الحمد لله رمضـان المـاضي رحـنا ع كم واحد مرتـبين والاكل شي فخـامة !!
شي رفع مثل الشاطر حسن عندهم جرسون لا اعتقد اني رايت مثله سبحان الله!!
شبو هادا الجرسـون ..
بــفوت معكم بالمشكل :D
دعاية قوية لرنوش
لكن سؤالي لم ترك علي يحيى المباحث الاستراتيجية ونزل لمستوى الزواريب الطرابلسية
جواد_الليل
12-16-2008, 10:50 AM
لكن سؤالي لم ترك علي يحيى المباحث الاستراتيجية ونزل لمستوى الزواريب الطرابلسية
كـ نوع من التــغيير والله اعلم !!
ali yehya
12-17-2008, 04:11 AM
السلام عليكم ورحمة الله
وكل أضحى وأنتم بخير
أخواني ما الفرق بين رنوش & مرّوش
للعلم فقط مرّوش مطعم في شرق السعودية وبالتحديد في مدينة الأحساء ، يقال انه اسم مطعم شهير في لبنان .
وهل هذا صحيح ؟
يا حج اي مروش مطعم لبناني مشهور كتير بس مش بلبنان ,مشهور باوروبا وبلندن تحديدا كل زاوية بلندن في منه واحد, مرقت عليه من شي سنة لما كنت بزيارة عن شب صاحبنا عزمني لعنده أنا قريب منه بدولة تانية وكان حق التيكيت 25 باوند مع الضرايب من مطار شبه عسكري يعني شي 50 دولار روحة رجعة يا بلاش .
بس هونيك كانت المصيبة فطرت عند مروش ,الشغيلة لبنانية قح وطلبت 2 كفتة ولحمة موقت طلع حق الوحدة 4 باوند يعني 8 دولار وفيها 7 قطع لحمة عديتهم والله يعني 14 دولار على 2 سندويش قد كف الايد ووحدة بيبسي مش مذكر قديش حقها يعني طلعنا من هونيك بحق تيكيت طيارة جديد روحة رجعة .:D
تاني يوم فطرت فلافل وثالث يوم معلبات ورابع يوم جبت مرطبان كبير فطرت درة فطرت عليه كزا يوم:D
دعاية قوية لرنوش
لكن سؤالي لم ترك علي يحيى المباحث الاستراتيجية ونزل لمستوى الزواريب الطرابلسية
عمبيض طناجر:D ,لا والله هيك شفت كم خبر عن طرابلس وبزلتهم هون بما انه معظمكم طرابلسية يعني شغلة عفوية ومن دون تخطيط استراتيجي مسبق وأهداف معلنة وغير معلنة .
شيركوه
12-17-2008, 07:45 AM
شبو هادا الجرسـون ..
بــفوت معكم بالمشكل :D
شبو؟؟؟ بلوة مصبرة ضحكة الله لا يورجيك ...
ثقالة دم ...
يا رجل راح رفيقي هوة وخطيبتو رح يلبص عليهم!! الزلمي مسك المملحة كذا مرة مشان يخبطو فيها وخطيبتو تهديه وعهم اخواتا وعصبو
يعني عاشوي كانو نزلو فيه
ومرة كنا قاعدين قام اجا علينا قال شفتو ولاد ال******************تووووووووووت*** ****
اللي كانو قاعدين هون!!!
قلنا لا ما شفنا ولاد حدا ... هلاء جينا ...
قال ولاد ال توووووووووووووووووووووووووووووووووو وووووووووووووت اكلوا وراحو ما دفعو هلاء ان ابدي ادفعن
نحنا اتطلعنا ببعضنا انو شو خصنا نحنا؟ وشو النا علاقة لنسمع كلامك الزفر؟!!!
قلنالو بس تنشوفن منقلك ... كزدر
وكل نتفة ولاد التوووووووووووووووووووووووووووووت ..... وكلو فوق روسنا ما بيحلالو التتويت الا فوق روسنا وعا شوي كنا رح نضربو
نقلو كزدر ما يفهم ...
يا زلمي حيط ... ترين ... ما بعرف شو بدنا نوصفو ... لبخة!!!
قام اخر شي واحد من الشباب قلو ليك ... هلاء اذا الواحد اكل وما دفع ... ومشي ... رسمالا مسبة؟!!
قام هداك وقف وسطل ...
لك شو بدي احكيك ... صدقا اخر مرة رحنا لعندن برمضان ومن وقتا ناويلو عا قتلة بس هيك شي مرة الله يقدر ونروح لعندن بالغلط ... ويغلط ...عن جد صار شي كتير وبالذات بعد ما صارت القصة مع رفيقي .. يعني لو ما في حريمات كان صار مشكل ... والنية موجودة ... :D
السلام عليكم
شيركوه
12-17-2008, 07:46 AM
على فكرة الحادث كان فيه ست سيارات مش بس يارتين بس اكتر شي تضرر السيارتين المذكورتين