وضعت الركوة على النار

و رحت حتى أطلع على آخر المستجدات في منتدى صوت

و انشغلت بين قراءة مواضيع و ردود جديدة

و كتابة ردود...


و بعد ثلث ساعة او نصف ساعة... تذكرت ان الركوة على النار

فوجتها على وشك ان تنشف....

أي بسيطة هيدي

إسمعي هذه القصة ... لدينا شقة تابعة لعملنا وعادة نقوم فيها برصد الفضائيات ووكالات الأنباء، ولا يدخلها أحد سوى شخص.
وذات يوم صعدت إلى ذلك الشخص الذي أسمه (بلال) أيضاً لأبلغه بضرورة ذهابنا للبقاع وطلبت منه الإسراع ، ذهبنا إلى البقاع ونمنا هناك وعدنا في اليوم التالي مساءً ، وأثناء توصيلنا له لمنزله ، عزمنا على الشاي وفجأة ضرب يده على رأسه وبدأ الصراخ .... "بسرعة بسرعة إلى الشقة" لم يعد يدري ما يقول وبسرعة البرق صعد 7 طوابق لأن الكهرباء كانت مقطوعة والدنيا ظلام وفتح الباب ودخل إلى المطبخ وإذ به قد يرى إبريق الشاي قد ذاب كله تقريباً والنار مشتعلة من تحته ... يعني الحمد لله (الله قدر ولطف).

لأن شرب القهوة غير ضروري ولا الشاي :)

اي
و بعرف واحدة صار معها شي افظع
احترقت طبختها كلها

بس بسبب منتدى ثاني و ليس هذا

أتمنى أن تدعيها الى منتدى صوت.......

الحمد لله

صدقوني إذا كان المنتدى سبب احتراق طبخة أو سبب إتلاف ركوة قهوة فحقاً هذا المنتدى يستحق تحية .... هههههههههه ،

شو قليلة ؟؟؟!!!!!!!!!

يعني انبسطوا بس مو كتير :)

و اليوم كانت الضحية التارت اللي كنت عم اخبزه بالفرن

السلام عليكم،

يجب ان لا تفضحي المسألة :)

لالزم تخطوا تنبيه بالمنتدى
يعني كل واحد بيفوت بيطلع أمامه كا شوي فلاش :انتبه اذا حاطت شي على النار ;)

ههههههههههه.... تحية للمنتدى...؟؟؟ هيك بدو فخر؟؟؟

أنا ما يصير معي هيك بسبب المنتدى بيصيروا أهلي بيحرموني فوت عليه

بس من فترة كنت عم فلفل رز.. وأهلي كلهم معي بالبيت.. فتركت الرزات عالنار ورحت نايمة... وفقت بعد شوي على ريحة ارز المحروق.. بس والله ما معي خبر أني مدعومة.. ما حدى حكاني شي.. وقالت لي ماما.. يا عيني!! بكرة هيك اعملي عند زوجك حتى يرد لنا اياكي..

وأختي ما بعرف شو كانت عم تعمل حتى رجعت على ركوة القهوة ولقيتها الإستانلس صار أسود!!

خخخخخخخخخخخخخخخخخخخخخخخخ

في عدوى بالجو

انا مرة كنت مخلية دجاج يستوي على النار مشان اتعشى به في المستشفى كان عندي مناوبة باليل بالمستشفى وقلت لسى بقالو كثير ليستوي ورحت قعدت على النت شوي ما حسيت بحالي الا والدخان بيطلع من المطبخ الحمد لله اني لحقتو وما حصلت كارثة خاصة اني كنت لوحدي بالبيت بس المشكلة انو انا ما اخت عشاء معي :cry: :cry:

السلام عليكم
أنا مرة كنت قاعد على النت بس ما صار معي شي لأنني بقعد بمقهى انترنت

خخخخخخخخخخخخخخخخخخخخخخخخخخخخخخخخخخخ خخخخ

لا والله فالحين خرجكن تكونوا ستات بيوت

والرجال ما في عتب

>>>يعني هي فالحه :?


كلنا بالهوى سوا ياما حارقه طبخات وياما ناسي مواعيد بسبب هالنت :?

الهيئة لا ستات و لا سبعات...

يا عيني على الفضايح ....

أي ومين لسه ما بتعرف تطبخ او تفلفل رز او تعمل ركوة قهوة أو تسخن دجاج ؟؟؟؟؟ down down

أنا والدكتورة وجهنا الموضوع لأم الغرباء مش لغيرها

بعدين عملنا هالشي: "لحاجة في نفس يعقوب قضاها"

8)

كمان يعقوب :lol:

يا دي يعقوب ويادي حاجتو :lol:

السلام عليكم و رحمة الله و بركاته

و انا كمان صار معي هيك شي ..........
كنت قاعد على المنتدى و اذ




















ما بيصير معي شي لاني كنت قاعد مع من طرابلس
هعهعهعهعهع





:lol:


لا بالفعل بينشد فيكن الضهر يا ستات المنتدى
:lol:



انا اؤيد اقتراح من طرابلس


فكرة فلاش هيك ..............



يا خولتي يلي عم تتصفحي منتدى صوت
لو سمحتي من بعد اذنك يا ريت تشوفي شو الطبخة يلي رح تحرقيها اليوم


او او ليك ليك مولانا حط شي بشروط التسجيل :
المنتدى غير مسؤول عن اي طبخة تحترق
ههههههههههههههههههههه :lol:

السلام عليكم و رحمة الله و بركاته :)

انت غلطان
ما الطبخة هي اللي احترقت..

اعصابنا اللي احترقوا !!


و السلام

:lol: اقتراح ساعمل على تنفيذه ان شاء الله

اسم الله عليكي أنتي يا مسلمة!!

شاطرة!! ما متلنا!! :lol:

ايه لكان

على القال نحنا اعترفنا بشيء صار ويمكن صار مرة او اثنين الحق على الرجال الي مخبيين بلاوي ويااما تحت السواهي دواهي :lol: :lol: ما تخافو اذا انا حرقت طبخة اكيد رح قولها لزوجي ان شاء الله على الاقل مشان يضحك اذا كان متضايق :P :P

انا ما راح فوت النت على بيتي حتى ما آكل طبخ محروق :mrgreen: :mrgreen: :mrgreen: :mrgreen: :mrgreen: :mrgreen:
وفوت عالبيت أشم ريحة حريق

ابقا كمان خذ بالك من الجارات.... اذا الاكل ما انحرق بالنت بينحرق بالدردشة مع الجارات :mrgreen: لا تنسى تبني البيت بالقطب الشمالي على الاقل تضمن انو ماحدا تطلع من بيتها :mrgreen:

........ السلام عليكم ........



....... صارلها الركوة تلت ساعة أو نص ساعة عالنار ... وإلقيتي الميّ رح تنشف ......؟!؟!!!........

.... لو عندي كان تبخرت الميّ ... والركوة والمطبخ كمان ......!!......


سلامي اليك
lady hla
القدس

before saowt i was salafi
now i am not .....

اخي جهاد،
الهذه الدرجة اثر فيك المنتدى؟

هل احرق كل اوراق السلفية عندك. على علمي انو المنتدى سلفي فكيف طفشك عن السلفية :)

لا يا أخي بلال لم يطفشني .....
بالعكس ما زلت أحب الاخوة السلفية , لكنني أنا شخصياً ابتعدت عن نهجهم ....
ليس بسبب صوت , لكن لسبب ما كان له تأثير غير مباشر , مع أنه يجب أن يكون العكس صحيحاً .... :)

من قال ان المنتدى سلفي؟

هذا ما يقوله الشيعة واصحابك من ال GMC

حتى تضحكوا اليكم هذه المعلومة :
الاخوة في الجي ام سي يصنفونني أنني سلفي
الاخوة السلفية يصنفونني جماعة
الناس العادية منهم من يظن أنني أهل دعوة , و منهم من يعتقد انني حزب تحرير ....
ما شاء الله كل هذه الشمولية اجتمعت فيني؟؟؟
هذا ما نتمنى أن يحصل ذات يوم , بس يظهر أن أن الخلافات في الأصول بين هذه التيارات .....
هي ليست كذلك طبعاً , لكن هم يريدونها كذلك.....
منتدى صوت , أفضل موقع للصوت الحر , و أكثر منتدى يستوعب الناس .... بس على مين يقدر يا حسرة ....

اخي جهاد،
الآن عرفنا من يحدد سياسة منتدى صوت :) يبدو انك تحاول ان تجعله صورة عنك

احب ان اطمئنك اننا نقدر هذه التضحيات منكم وإن شاء الله يستمر المنتدى على هذه الصورة :)

ولكن يجب ان تقارن السلفية بالخلفية (طبعاً الخلفية بفتح اللام كي لا يذهب فكركم لبعيد :)) وليس بالجماعة

كل الخبريات بسيطة قدّام اللي بدي خبّركم اياها...

احدى قريباتي سيدة عمرها بالخمسينات لديها ضعف بالذاكرة وراثة من العائلة اذ ان كل عائلتهم لديم صفة ضعف الذاكرة...

بيتها بالطابق الأول , مرتين نسيت الزيت على النار و نزلت لتجيب شي ناقصها للطبخة !!!
و مرتين طلعت و لقيت خزائن المطبخ سود !!! و مرة البرادي كانوا مولعين !!!
بس الحمد لله قّدر و لطف...

و من عائلتها ايضا" ممن لديهم ضعف بالذاكرة , سيدة ابنة أخيها أتت لتمضي يوما" عندنا ... فطرقت راسها بزجاج الصالون حوالي 6 أو 7 مرات بدون مبالغة !!!
و في المرة الأخيرة قمت بوضع تلزيق عريض باشارة X كبيرة حتى لا تنسى ان باب زجاج الالمنيوم مغلق !!! :icon_eek:

نحن ايضا" لدينا غفوات مضحكة أحيانا"... مرة كنت أساوي شاي و ألّف سندويش لبنة كنت مستعجلة , و عند الانتهاء وضعت مرطبان الشاي في البرّاد و علبة اللبنة في الخزانة !!! :icon_razz:

الله يسترك يا نور :)

انتبني في المرة القادمة كي لا تضعي علبة الكبريت على النار :)